ՀՈՒՇԱՐԱՐ ՊԱՍՏԱՌՆԵՐ
Միլանում ներկայացվել են առաջիկա օլիմպիական և պարալիմպիկ ձմեռային խաղերի գովազդային վահանակները։ Գրաֆիկական պատկերները մարմնավորում են քաղաքային արդիականության ու ալպյան բնության միաձուլումը։
Կազմակերպիչները հավաստիացնում են, որ մշակույթը կենտրոնական դեր կունենա առաջիկա ձմեռային խաղերում։
20-րդ դարի սկզբից ի վեր, պաշտոնական պաստառները ծառայել են որպես յուրաքանչյուր հրատարակությանը բնորոշ մշակութային պատմության մշտական խորհրդանիշներ։
Միլանում և Վենետիկում արդեն անցկացվում են սեմինարներ և համայնքային նախագծեր, որոնք կշարունակվեն մինչև փետրվար, երբ պաշտոնապես կմեկնարկեն 25 –րդ ձմեռային խաղերը:
Ծրագրի նպատակն է վերակենդանացնել օլիմպիզմի հիմնադիր տեսլականը՝ սպորտի, մշակույթի և ստեղծագործության միությունը, որը ժամանակակից խաղերի հայր՝ բարոն Պիեռ դը Կուբերտենի հայտարարած սկզբունքներից մեկն է:
Առաջին պաստառը հինգ օլիմպիական օղակներից ոգեշնչված ակնոցներ կրող կերպարի խոշորացված դիմանկար է, առանձնանում է իր վառ գույներով, մինիմալիստական ձևերով և ուղիղ հայացքով, որը նպատակ ունի մարմնավորել խաղերի բազմազանությունն ու հուզմունքը։
Պարալիմպիկի պաստառի համար ընտրվել է շարժման շուրջ կառուցված դինամիկ կոմպոզիցիա, որտեղ ներկայացվում են պարալիմպիկ վեց մարզաձևերը։ Այն նպատակ ունի պատվել պարալիմպիկ արժեքները՝ քաջությունը, վճռականությունը, ոգեշնչումը և հավասարությունը:
