Տրվեց Եվրոբասկետ 2029-ի նախընտրական փուլի  B խմբի մրցաշարի մեկնարկը: ՀՀ տղամարդկանց հավաքականը Բուլղարիայի Բոտևգրադ քաղաքում մրցեց այդ երկրի ընտրանու հետ:

Հանդիպման ընթացքում դիտարժան պահերը քիչ չէին: Առանձին դրվագներում անհատական վարպետությամբ փայլեցին նաև մեր տղաները: Նրանցից դիպուկությամբ աչքի ընկավ  Անդրե Սպայթ Մկրտչյանը, որը  վաստակեց 37 միավոր: Այնուամենայնիվ, 10 միավորի առավելությամբ հաղթեցին տանտերերը՝ 98:88:

Հայաստանի  խաղացողներից տպավորիչ գործողություններով աչքի ընկավ նաև  Դանիել Կիրակոսյանը («Տեմպ-ՍՈՒՄԶ», Ռուսաստան):

Առաջիկա կիրակի օրը՝  նոյեմբերի 30 –ին, ՀՀ հավաքականը Երևանում կհյուրընկալի Նորվեգիայի բասկետբոլիստներին: