Հայաստանի ֆուտզալի հավաքականը Եվրոպայի 2026թ. առաջնության նախապատրաստության շրջանակներում Երևանում ընկերական հանդիպում անցկացրեց Լիբանանի թիմի հետ: Խաղն ավարտվեց տանտերերի  հաղթանակով ՝ 8:3:  

Նշենք, որ պատմության ընթացքում առաջին անգամ  Հայաստանի հավաքականը կմասնակցի Եվրոպայի առաջնության եզրափակիչ փուլին: Հանդիպումները կանցկացվեն հունվարի 21-ից՝ փետրվարի 7-ը Լատվիայում, Լիտվայում և Սլովենիայում:

Հայաստանի հավաքականը Կաունաս կմեկնի  հունվարի 18 –ին: Գլխավոր մարզիչ Ռուբեն Նազարեթյանը առայժմ չի հրապարակել ֆուտզալիստների հայտացուցակը։

Մրցաշարի առաջին խաղը մերոնց մասնակցությամբ նախատեսված է  հունվարի 22-ին, մրցակիցը ուկրաինացիներն են: Երկրորդ տուրում մեր թիմը կհանդիպի չեխերի,  իսկ  վերջին խաղում՝  լիտվացիների հետ: