Ֆրանսիայի ազգային ժողովն  առաջին ընթերցմամբ ընդունել  է  2030թ. ձմեռային օլիմպիական խաղերի կազմակերպման վերաբերյալ օրինագիծը: Այն առաջարկում է թույլատրել մարզական  պատվիրակությունների անդամների ուղեբեռի ստուգումը՝ որպես դոպինգի դեմ պայքարի մաս:

Այս նախաձեռնության շրջանակներում գործող օրենքներում ընդունված փոփոխություններից մեկը վերաբերում է սպորտային օրենսգրքին,  որը սահմանում է հակադոպինգային գործակալության աշխատակիցների լիազորությունները:

Առաջարկվում է ավելացնել կետ, որը թույլ կտա մասնագետներին «անցկացնել ուղեբեռի տեսողական ստուգում և, սեփականատիրոջ համաձայնությամբ, կատարել մանրակրկիտ խուզարկություն»:

Ֆրանսիայի հակադոպինգային գործակալությունը այս միջոցը համարում է «աննախադեպ»՝ համաշխարհային մասշտաբով: Ինչպես ասվում է պարզաբանման մեջ,   մինչ այժմ քննիչները կարող էին խուզարկել «մարզական տարածքները որպես հետաքննության մաս կամ տնային տարածքները՝ դատավորի թույլտվությամբ»: Բայց իրավունք չունեին «պարզապես տեսողականորեն ստուգել ուղեբեռի ստուգումը»: Այս միջոցը կարող է կիրառվել միայն օդանավակայաններում, երկաթուղային կայարաններում և հանրային ճանապարհներին արդեն իսկ բացված հետաքննության շրջանակներում:

2030թ. օլիմպիական խաղերը նախատեսվում է անցկացնել Ֆրանսիայի երկու շրջաններում՝ Օվերն-Ռոն-Ալպերում և Պրովանս-Ալպեր-Կոտ դ'Ազուրում։