ՈՒԺԵՂԱԳՈՒՅՆՆԵՐԻ ՇԱՐՔՈՒՄ
11:27 - 18 Մար, 2026
Երևան – Վարշավա չվերթով այսօր լուսադեմին աշխարհի առաջնություն մեկնեց եռացատկորդ Գոռ Հովակիմյանը: Այս մասին տեղեկացրեց ՀՀ աթլետիկայի հավաքականի գլխավոր մարզիչ, գյումրեցի Գրիգոր Բարսեղյանը:
Լեհաստանի Տորուն քաղաքում մարտի 20 -ին , Երևանի ժամանակով 22. 35 –ին կսկսվի եռացատկորդների մրցավեճը: Հողագնդի 17 ուժեղագույն վարպետների պայքարին տոն կտա նաև արտաշատցի մեր պատվիրակը: Նրա հետ է մարզիչ հայրը՝ Գառնիկ Հովակիմյանը: Նրանց կմիանա Փարիզից ժամանող ՀՀ աթլետիկայի ֆեդերացիայի նախագահ Ռոբերտ Էմմիյանը:
Հուսանք, որ Գոռը կկարողանա հաղթահարել որակավորման փուլը և կդառնա եզրափակիչ մտնող 12 մասնակիցներից մեկը:
Այլ նորություններ
