Բրիսբենում  2032թ. նախատեսված ամառային օլիմպիական խաղերում մարզիկների ավանը ենթադրվում է կհիմնվի 19 - րդ դարում  կառուցված  երկաթուղային կայարանի  տեղում:

Մասնագետների համար անհասկանալի է, թե ինչպես է կայարանը ինտեգրվելու շրջակա տարածքին, կամ արդյոք այն քանդվելու է, թէ՝ ոչ: Նշվում է, որ նախագծման և հետազոտման աշխատանքները նոր են սկսվել։

Հիշեցնենք, որ 2026թ. Միլանի ձմեռային խաղերի գլխավոր օլիմպիական գյուղը նույնպես կառուցվել է  երկաթուղային բեռնատար գնացքների կայարանի տեղում։

Բրիսբենի օլիմպիական գյուղը նախատեսված է  10,000 մարզիկ – մարզուհու համար:  

Քվինսլենդի փոխվարչապետ Ջարոդ Բլայջը նախկինում հայտարարել էր, որ խաղերից հետո քաղաքը կստանա մոտ 2000 նոր բնակարան։ Սակայն ավստրալացի լրագրողները տեղեկացել են, որ Բրիսբենի քաղաքապետ Թոնի Ուիլյամսն առաջարկել է նվիրաբերել գոյություն ունեցող տները՝ Ավստրալիայի և Սինգապուրի զինված ուժերի զինվորներին տեղավորելու համար, որոնք հաճախակի լայնածավալ զորավարժություններ են անցկացնում Քվինսլենդի շրջանում։