ԱՌԱՋՆՈՒԹՅՈՒՆԸ ՇԱՐՈՒՆԱԿՎՈՒՄ Է
10:07 - 15 Ապր, 2026
Լեհաստանի Կատովիցե քաղաքում շարունակվում է Եվրոպայի շախմատի անհատական առաջնությունը: Կայացել են յոթերորդ տուրի հանդիպումները:
Հայաստանի ներկայացուցիչներից Շանթ Սարգսյանը և Հայկ Մարտիրոսյանը յոթ հնարավորից վաստակել են 5.5 –ական միավոր ու բաժանում են հինգերորդ տեղը:
Վեցական միավորով առաջատարներն են Այդին Սուլեյմանլին, Նիկոլոզի Կաչարավան, Յան Մալեկը և Դավիդ Անտոն Գիխարոն:
Ռոբերտ Հովհաննիսյանը և Էմին Օհանյանը ունեն հինգական, Մամիկոն Ղարիբյանը, Մանուէլ Պետրոսյանը, Արսեն Դավթյանը, Վահե Սուքիասյանը, Արթուր Դավթյանը, Ռոբերտ Փիլիպոսյանը և Տիգրան Համբարձումյանը՝ 4.5 –ական , իսկ Գաբրիել Սարգսյանը՝ չորս միավոր:
Այսօր նշանակված են ութերորդ խաղափուլի պարտիաները:
Առաջնության ավարտին մնացել է չորս փուլ:
Այլ նորություններ
