Երևանի Վազգեն Սարգսյանի անվան Հանրապետական մարզադաշտում  երեկ կայացավ  Հայաստան -  Մոլդովա ֆուտբոլի ազգային հավաքականների  ընկերական  հանդիպումը: Խաղն  ավարտվեց ոչ – ոքի ՝ 1 : 1:

Գլխավոր մարզիչ Եղիշե Մելիքյանն ամփոփելով մրցամարտը, նշեց, որ թեև հաղթանակներ  չգրանցվեցին, բայց  Ազգերի լիգայի մրցաշարին նախապատրաստվելու առումով  հանդիպումները  օգտակար եղան,  հատկապես`  խաղակցվածության առումով:

Մելիքյանը  ընդգծեց, որ չի ցանկանում քննադատել ֆուտբոլիստներին:  Նրա կարծիքով՝ թիմը ճիշտ ճանապարհի վրա է, բայց պետք է լուծի գլխավոր խնդիրը՝  նպաստավոր  պահերը ճիշտ օգտագործելու առումով:  

Հայաստանի հավաքականի  հաջորդ հանդիպումը նշանակված է սեպտեմբերի 25 –ին: Այդ օրը   Ազգերի լիգայի ծրագրով  մերոնք կմրցեն Լատվիայի  թիմի հետ: