Գերմանիայի Համբուրգ քաղաքում  իրենց մարզումներն են շարունակում Հայաստանի առաջատար ձյուդոիստներ Ֆերդինանդ Կարապետյանը / 73կգ / և Արսեն Խանջյանը / 90 կգ /: Հավաքականի գլխավոր մարզիչ Արմեն Նազարյանի ղեկավարությամբ  մեր մարզիկները  փետրվարի 22 – 24 –ը կմեկնեն  Դյուսելդորֆ և կմասնակցեն    << Մեծ սաղավարտ >> անվանումով   միջազգային խոշոր մրցաշարին: Այն վարկանիշային է: Մրցումներում Տոկիոյի 32 –րդ ամառային օլիմպիական խաղերի միավորների համար կպայքարեն 98 երկրների 721 պատվիրակներ: Իսկ Գյումրիում փետրվարի 24 –ին կմեկնարկի  ՀՀ երիտասարդական առաջնությունը: Նախնական հայտ են ներկայացրել 100 մարզիկ –մարզուհիներ: Տղաները հանդես կգան յոթ,  իսկ աղջիկները ` հինգ քաշային կարգերում: Մրցումների արդյունքներով կկազմվի հավաքական, որը հանդես կգա առաջիկա միջազգային մրցաշարերում:

ՀԱՕԿ լրատվական բաժին