Ունիվերսիադա. Անաստասիա Գալուստյանը գրավեց 8-րդ տեղը

15:00 - 09 Մար, 2019

Գեղասահորդ Անաստասիա Գալուստյանը 8-րդ տեղը զբաղեցրեց Ռուսաստանի Կրասնոյարսկ քաղաքում շարունակվող Համաշխարհային ուսանողական 29-րդ ձմեռային խաղերում:

Կանանց մենասահքի կարճ ու ազատ ծրագրերի արդյունքում Հայաստանի ներկայացուցիչը հավաքեց 161.89 միավոր: Կարճ ծրագրից հետո Գալուստյանը 64.15 միավորով 5-րդն էր, իսկ ազատ ծրագրում գրանցեց 10-րդ արդյունքը: Չեմպիոնի տիտղոսը նվաճեց Ճապոնիան ներկայացնող Մաի Միհարան, որը հավաքեց 220,68 միավոր:

Ավելի վաղ Հայաստանի ներկայացուցիչ Սլավիկ Հայրապետյանը 9-րդ տեղն էր գրավել տղամարդկանց մենասահքում: Ձմեռային Ունիվերսիադային Հայաստանը ներկայացել է 5 մարզիկով:

Այլ նորություններ