Աշխարհի ըմբշամարտի  առաջնությունը տեղի կունենա  դեկտեմբերին, սակայն մրցաշարի ձևաչափը դեռ հաստատված չէ: Այս մասին հայտնել է  ՌԴ  ֆեդերացիայի նախագահ Միխայիլ Մամիաշվիլին:

UWW –ն  որոշումը կկայացնի նոյեմբերի 10-ին։ Կազմակերպությունը պնդում է, որ այս անգամ իրենք անպայման  վերջնական որոշում պետք է կայացնեն:

Աշխարհի առաջնությունը նշանակված է   Բելգրադում՝   դեկտեմբերի 12-20-ը:

Հնարավոր է, որ UWW- ն հետևել  է  Նովի Սադում / Սերբիա /  սամբոյի աշխարհի առաջնության  ամփոփմանը, որն անցկացվեց  առանց հանդիսականի, խիստ  սահմանափակումներով և  անվտանգության բոլոր միջոցառումներով։

Չնայած որ Սերբիայի կառավարությունը դեմ չէ լայնամասշտաբ միջազգային մարզական իրադարձության անցկացմանը , ինչպիսին աշխարհի առաջնությունն է, սակայն դա բավարար չէ UWW- ին վերջնական որոշում կայացնելու համար։ Անհրաժեշտ է  մասնակցության  երաշխիքներ ստանալ մարզաձևում աշխարհի տասը  առաջատար երկրներից առնվազն ութից։ Այդ հարցում կարծես խնդիրներ կան ․  ԱՄՆ-ի, Ճապոնիայի, Ղազախստանի և Կուբայի հավաքականներն արդեն հրաժարվել են մասնակցությունից։ Միաժամանակ, աշխարհում , հատկապես Եվրոպայում համաճարակաբանական իրավիճակը վատթարանում է։