Տեղի է  ունեցել բռնցքամարտի միջազգային ասոցիացիայի տնօրենների խորհրդի հեռավար նիստը։ Ընդունվել  են մի քանի կարևոր որոշումներ,որով  ԱԻԲԱ –ն սկսել  է ռեֆորմների գործընթացը։

Ասոցիացիան    ծրագրել է 2021թ․  անցկացնել մայրցամաքային հինգ ֆորում։ Աֆրիկյանը նախատեսված է  փետրվարի 7-ին, ամերիկյանը ` փետրվարի 21-ին, եվրոպականը` փետրվարի 27-ին, Օվկիանիայինը `մարտի 6-ին, իսկ ասիականը` մարտի 20-ին: 

Երկարաձգվել է  պայմանագիրը դոպինգ թեստավորման միջազգային գործակալության  / ITA / հետ: 

Ստեղծվել են հինգ նոր կոմիտեներ։ Մարզչական կոմիտեն  կզբաղվի բարձրակարգ  մասնագետներ նախապատրաստելու  հարցերով և կմշակի մարզիկների վարպետության առաջընթացի լրացուցիչ մեթոդներ ու եղանակներ։

Չեմպիոնների և վետերանների կոմիտեում կընդգրկվեն մարզաձևի երախտավորներն  ու   անվանի մարզիկները, ովքեր հաջողությունների են հասել համաշխարհային բռնցքամարտում  և պատրաստ են իրենց փորձն ու գիտելիքները  փոխանցել երիտասարդներին։

Մրցումների կոմիտե․  վերահսկելու է AIBA- ի  միջոցառումների անցկացումը, որպեսզի դրանք բավարարեն միջազգային չափանիշները։

Կանանց կոմիտե․ նպատակն է ապահովել գենդերային հավասարությունը բռնցքամարտի աշխարհում։

Բժշկական և հակադոպինգային հանձնաժողով․  կապահովի մարզիկների բժշկական և հակադոպինգային բոլոր պահանջները: 

Նշենք, որ վերջերս AIBA- ի նախագահ ընտրվեց Ռուսաստանի բռնցքամարտի ֆեդերացիայի գլխավոր քարտուղար Ումար Կրեմլյովը: