ԵՐԿՈՒ ՄՐՑԱՆԱԿ
Իրանի Դիզին քաղաքում տեղի ունեցավ լեռնադահուկային սպորտի միջազգային մրցաշար: Հայաստանը ներկայացրին ծաղկաձորցիներ Աշոտ Կարապետյանը և Հարություն Հարությունյանը:
Մասնակիցները հանդես եկան ոլորավայրէջք և հսկա ոլորավայրէջք մրցաձևերում:
Ոլորավայրէջքում հաջողության հասավ Աշոտ Կարապետյանը: Նա չորս մեկնարկից մեկական անգամ արժանացավ երկրորդ և երրորդ մրցանակի: Բայց Աշոտին չհաջողվեց հսկա ոլորովայրէջքում դառնալ մրցանակակիր: Փոխարենը չորրորդ և վեցերորդ տեղը գրավեց Հարություն Հարությունյանը, ասել է թե՝ նա կարողացավ հաղթահարել մրցատարածությունը:
Մրցաշարի մասին ծաղկաձորցի մարզիչ Սեյրան Հարությունյանն ասաց, որ մեր տղաները ձախողվեցին մյուս բոլոր մեկնարկներում: Մրցուղին բարձր արագություն զարգացնելու և մրցանակակիր դառնալու ցանկությունը մեծ է եղել, որի արդյունքում նրանք վերջնագծին չեն հասել:
