Ազգային օլիմպիական կոմիտեների ասոցիացիայի   / ANOC /  հովանու ներքո են անցկացվում  համաշխարհային լողափնյա խաղերը: Հրապարակվել է 2023 և 2025 թթ. կայանալիք հաջորդ երկու միջոցառումների  ծրագրում  ներառված նախնական  մարզաձևերի ցանկը: Դրանք այն մարզաձևերն են,  որոնք մեծ տարածում ունեն երիտասարդների շրջանում,  բայց ընդգրկված  չեն  օլիմպիական խաղերում: 

Հիմնական ցանկը ներառում է `  լողափնյա հանդբոլ, կարատե (կատա), լողափնյա  ֆուտբոլ, սյորֆինգ,  լողափնյա ըմբշամարտ, եռամարտ, լողափնյա վոլեյբոլ ՝ 4x4 և լողափնյա  թենիս: 

Ջրային մարզաձևերը կներկայացվեն երկու կարգով.   լող՝  բաց ջրերում   / 5 կմ /  և լողափնյա ջրագնդակ:

ANOC  -ի և համապատասխան միջազգային ֆեդերացիաների միջև արդեն ստորագրվել են համաձայնագրեր:  Տոկիոյի օլիմպիական խաղերի օրերին քննարկվել են համագործակցության հետագա հեռանկարները: 

ANOC    -ը հաշվի է առել  Դոհայում  2019թ. հոկտեմբերին անցկացված  խաղերի հաջող փորձը:

Մարզահանդեսի անցկացման համար առաջադրված քաղաքների անունները  կհրապարակվեն հոկտեմբերին ՝ Հունաստանում անցկացվելիք  կազմակերպության  գլխավոր վեհաժողովի ժամանակ: