Լատվիայի մայրաքաղաք Ռիգայում մեկնարկեց ըմբշամարտի Եվրոպայի առանության մրցումային վերջին օրը:

Մրցագորգ էին դուրս եկել 71 կգ, 75 կգ, 80 կգ և 85 կգ քաշային կարգի ըմբիշները:

75 կգ քաշային Կարապետ Չալյանը որակավորման փուլում մրցեց գերմանացի Յան Պոտերի հետ և դժվարին գոտեմարտում հաղթեց 7:6 հաշվով: 1/8 եզրափակչում Չալյանը 10:5 հաշվով հաղթեց բուլղարացի ըմբիշին: Քառորդ եզրափակչում նա 0:8 հաշվով պարտվեց վրացի Զուրաբի Դատունաշվիլիին: Վերջինս դուրս եկավ եզրափակիչ, ինչը թույլ տվեց Չալյանին շարունակել պայքարը: Սփոփիչ գոտեարտում հայ ըմբիշը 8:0 հաշվով հաղթեց թուրք Էմրա Սուլեյման Կուսին: Բրոնզե մեդալի համար հայ ըմբիշը կպայքարի ադրբեջանցի Էլվին Մուրսալիևի հետ:

80 կգ քաշային Ռաֆիկ Մանուկյանը պայքարը սկսել էր 1/8 եզրափակչից, որտեղ 4:2 հաշվով հաղթեց ուկրաինացի ըմբիշին: Քառորդ եզրափակչում Մանկուկյանը 2:2 հաշվով զիջեց Լեհաստանը ներկայացնող Էդգար Բաբայանին, ով դուրս եկավ եզրափակիչ՝ հնարավորություն տալով Մանուկյանին շարունակելու պայքարը: Սակայն Հայաստանի ներկայացուցիչը 0:2 հաշվով զիջեց թուրք մարզիկին սփոփիչ գոտեմարտում:

85 կգ քաշային Մաքսիմ Մանուկյանը որակավորման փուլում 3:0 հաշվով պարտության մատնեց չեխ մրցակցին, սակայն 1/8 եզրափակչու մրցավարների կողմանակալ որոշումները օգնեցին ռուս ըմբիշ Եվգենի Սալաևին 11:6 հաշվով հաղթել Մանուկյանին: Վերջինս լքեց պայքարը:

Հիշեցնենք, որ 71 կգ քաշային Վարշամ Բորանյանը եզրափակչում է:

Լուսանկարներն՝ այստեղ

ՀԱՕԿ լրատվության բաժին