ԱՅՍՕՐ ԿԻՍԱԵԶՐԱՓԱԿԻՉՈՒՄ
Օրավուր թեժանում է Սոֆիայում ընթացող Եվրոպայի բռնցքամարտի երիտասարդական առաջնության ընթացքը: Այդպես էլ պետք է լինի, որովհետև ասպարեզում մնացել են ուժեղները, նրանք , ովքեր արդեն կիսաեզրափակիչում են և իրենց համար ապահովել են առնվազն բրոնզե մեդալ:
Հաջողակների թվում են նաև Հայաստանի երեք ներկայացուցիչներ:
Բրոնզե մեդալի համար պայքարում երևանցի Էրիկ Իսրայելյանը / 60 կգ /, վանաձորցի Արես Հակոբյանը / 67 կգ / և դարձյալ երևանցի Համլետ Ադամյանը / 80 կգ / հաղթեցին մրցակիցներին:
Այսօր տեղի կունենան եզրափակիչ մտնելու համար մենամարտերը: Մեր եռյակից էրիկը և Արեսը ցերեկային մրցահերթում իրենց հարաբերությունները կորոշեն համապատասխանաբար վրացի Գոչա Գորդուլավայի և իսպանացի Սորկո Գոուլաբալի, իսկ երեկոյան մրցումներում Համլետը կմրցի սերբ Մարկո Պիզուրիկայի հետ:
Զինվենք համբերությամբ և հետևենք առաջնության ընթացքին:
