ԱՐՏԱՀԵՐԹ ԿՈՆԳՐԵՍԸ ՝ ՎԱՂԸ

15:27 - 12 Մայ, 2022

Բռնցքամարտի միջազգային ասոցիացիայի / IBA /  տնօրենների  գործող  խորհուրդը իր վերջին հանդիպումը անցկացրեց   Ստամբուլում: 

Գործող խորհրդի   նիստի օրակարգի առանցքային խնդիրը  վերաբերել է ասոցիացիայի   բարեփոխումների ծրագրին: Զեկուցումներում   խոսվել է նշած հարցում  զգալի առաջընթացի  և  այն հիմնական ոլորտների մասին, որոնց  հարկ  է ուշադրության հրավիրել  հետագա  աշխատանքներում:

IBA –ի  խորհուրդը քննարկել է նաև  կանանց աշխարհի առաջնությանը զուգահեռ   վաղը  սկսվելիք   IBA  -ի արտահերթ համագումարի  և դրան  հարակից հարցերին վերաբերող   մի շարք կարևոր  խնդիրներ:

Ասոցիացիայի երկօրյա  արտահերթ կոնգրեսում  օրակարգի բազմաթիվ հարցերի թվում  ընդգրկված  է  կազմակերպության նախագահի ընտրությունը:

Ղեկավարի թեկնածու են առաջադրվել գործող  նախագահ, ռուսաստանցի Ումար Կրեմլյովը և հոլանդացի Բորիս վան դեր Վորստը:  

Տնօրենների  նոր խորհուրդը կունենա 18 անդամ՝   ներառյալ նորընտիր նախագահը և  մայրցամաքային կոնֆեդերացիաների հինգ նախագահները:  Ընդհանուր առմամբ, IBA- ի տնօրենների խորհրդում գրանցվել է 28 թեկնածու:

Ընտրությունները կանցկացվեն էլեկտրոնային եղանակով:  Ընտրական գործընթացը մշակել է կառավարման անկախ հանձնախումբը:  

 

Այլ նորություններ