ՄԻՋԱԶԳԱՅԻՆ ՇՈՈՒ ԾԱՆՐԱՄԱՐՏՈՒՄ

15:17 - 07 Հուլ, 2022

Լաս Վեգասում  անցկացված ԱՄՆ –ի ծանրամարտի առաջնությանը տոնական տրամադրություն հաղորդեց   << Բարեկամության գավաթ  >>  անունը կրող միջազգային առաջին մրցաշարը: Նախաձեռնության հեղինակը  միջազգային ֆեդերացիայի փոխնախագահ Ուրսուլա  Պապանդրեան է:

Բարեկամությունը նշանավորված էր այն բանով, որ չորս աշխահամասեր ներկայացնող յոթ երկրների / նրանց թվում ՝ Հայաստանի հինգ ծանրորդներ / նշանավոր ութական մարզիկ – մարզուհիներ յուրտեսակ զույգեր կազմեցին և նրանց սանձած կիլոգրամների գումարով, Սինկլերի հաշվարկով,   հայտնի դարձան մրցանակակիրները:

Օրինակ, հաղթող ճանաչվեց օլիմպիական խաղերի և աշխարհի առաջնությունների մեդալակիր, եգիպտուհի Սառա Ահմեդը և աշխարհի 2015թ.  առաջնության երրորդ  մրցանակակիր, 2016թ.  Եվրոպայի չեմպիոն Անդրանիկ Կարապետյանը:

Ներկայացնենք բոլոր ութ զույգերի արդյունքները.

1. Սառա Ահմեդ (Եգիպտոս, 297,088 կգ)  /  Անդրանիկ Կարապետյան (Հայաստան, 403,825 կգ )՝ 700,913 կգ

2. Մադլեն Ստանիշևսկի (ԱՄՆ, 262,387)  /  Գոռ Մինասյան (Հայաստան, 422,579)՝  684,966
3. Մեդիսոն Պանել (ԱՄՆ, 281,701)  /  Ջոշուա Ուիկիլիֆի (Տոնգա, 378,956)՝  660,657
4. Կուինինի Մանումուա (Տոնգա, 244,547)  /  Սամվել Գասպարյան (Հայաստան, 406,149)՝  650,696
5. Լորեյն Լիգարե (Քենիա, 180,020)  /  Վարազդատ Լալայան (Հայաստան, 423,999)՝  604,019
6. Լաուրա Ալեքսանդր (ԱՄՆ, 271,935) /  Խակիմ Մուսոկե Սսեմպերեզա (Ուգանդա, 315,335)՝  587,21
7. Սամար Հուսեյն (Եգիպտոս, 267,102)  /  Կգոտլա Ալֆիուս Կգասվանե (Բոտսվանա, 262,327)՝  529,429
8. Ալի Թալման (ԱՄՆ, 0,000)  /  Դավիթ Հովհաննիսյան (Հայաստան, 399,008)՝  399,008

Պապանդրեան ասել է, որ կար ժամանակ, երբ ծանրամարտի համայնքը կարծես  մասնատված էր: Հույս ունեմ ,  որ  <<  Բարեկամության գավաթը >> կբացահայտի մարզիկների շրջանում ավելի շատ   նմանություններ, քան ՝ տարբերություններ: Կարևորը միասնության գիտակցումն է, ծանրորդների, մասնավորապես՝  առաջատարների շրջանում:

Ամերիկացի մարզիկները համոզվեցին, որ աշխարհի լավագույն ծանրորդների հետ համատեղ մարզումներն ու շփումները  կնպաստեն իրենց առաջընթացին . . . 

ՀՀ ծանրորդներին մրցավայր էր ուղեկցել  հավաքականի գլխավոր մարզիչ Փաշիկ Ալավերդյանը:

Այլ նորություններ