Քաթարի Դոհայում   ավարտվեց սպորտային մարմնամարզության  առանձին գործիքներից աշխարհի գավաթի խաղարկության  երկրորդ փուլի մրցաշարը:

Հայաստանի պատվիրակներից, ինչպես ակնկալվում էր,  առավել հաջող հանդես եկավ  աշխարհի չեմպիոն, հենացատկորդ Արթուր Դավթյանը: Նա , ինչպես առաջին փուլում, այս անգամ նույնպես,  հաղթեց հարազատ մրցաձևում  և արժանացավ բարձրագույն պարգևին:

Օղակների վարժության եզրափակիչ էին մտել  նաև  Արթուր Ավետիսյանը և Վահագն Դավթյանը: Նրանք, ավաղ, վճռական փուլում  մրցանակային եռյակ չմտան:

Աշխարհի գավաթի խաղարկության երրորդ փուլի մրցումները նշանակված են Բաքվում,  և մերոնք, հասկանալի պատճառներով,  չեն մեկնի այդ մրցավայր: