Վահագն Հարությունյան. Խաղի դուրս գալուց նրանց աչքերը փայլում էին

09:00 - 06 Օգո, 2019

Հայաստանի Մ18 տաեկանների բասկետբոլի աղջիկների հավաքականը Եվրոպայի C դիվիզիոնի առաջնությունում տարած հաղթանակից հետո վերադարձավ Հայաստան։

Օդանավակայանում հավաքականի գլխավոր մարզիչ Վահագն Հարությունյանը մեկնաբանեց թիմի ելույթը.

«Մենք 2 տարի առաջ էլ 18 տարեկանների C դիվիզիոնի չեմպիոնն էինք եղել և պատասխանատվությունը մեծ էր կրկնելու նույն արդյունքը, բայց այս տարի ավելի բարդ եղավ։ Մալթաի հավաքականը շատ լավ պատրաստված թիմ էր, բայց մեր աղջիկները կարողացան հաղթանակի հասնել։ Թիմը ուզում էր այդ հաջողությանը հասնել, չէիք պատկերացնի, թե ինչպես էին փայլում նրանց աչքերը, երբ խաղի մեկնարկին էին պատրաստվում»,-անկեղծացավ գլխավոր մարզիչը։

Վահագն Հարությունյանը շեշտեց, որ հաջորդ տարի նույնպես կամասնակցեն C դիվիզիոնի առաջնությանը.

«2021 թվականին նոր կփորձենք B դիվիզիոնում հանդես գալ՝ այնտեղ լրիվ այլ թիմեր են և այլ մակարդակ»,-խոսքը եզրափակեց նա։

Այլ նորություններ