Խաղային մարզաձևերում թիմերի համար  չափազանց մեծ նշանակություն ունի խաղակցվածությունը:Այդ կարևոր հանգամանքը հասկանալի պատճառներով բացակայում է Հայաստանի տղամարդկանց բասկետբոլի գլխավոր թիմում:

Իսկապես,  կարճ ժամակահատվածում տարբեր երկրներից ու ակումբներից ժամանող մարզիկների համար դժվար է ընդամենը նախապատրաստական փուլում գնահատել միմյանց ունակությունները, փոխըմբռնման  որակները ու ստեղծել միաձույլ համույթ: Ասածը պարզորոշ երևաց Կարեն Դեմիճյանի անվան մարզահամերգային համալիրում աշխարհի առաջնության ընտրական փուլի ծրագրով անցկացված Հայաստան – Ավստրիա մրցամարտում:  Տանտերերը պարտվեցին  / 80:129 /  գլխավորապես  թիմային թույլ   խաղի պատճառով: Ասենք, որ հյուրերը  ակնհայտորեն բարձրահասակ էին, միմյանց հետ խաղալու և պարապելու տարիների փորձ ունեն և այլն:

Շատերը ձախողումը կապեցին  նաև գլխավոր մարզիչ Ռեքս Քալամյանի հարգելի  բացակայության հետ: Այնուամենայնիվ վերջին շրջանում մարզաձևում առաջընթաց գրանցելու ուղղությամբ լուրջ աշխատանքներ են  տարվում ՀՀ բասկետբոլի ֆեդերացիայում: Այդ հանգամանքը հույս է ներշնչում, որ մեր  հավաքականը աստիճանաբար կբարելավի իր խաղը:  

 2025թ. փետրվարի 20-ին, մերոնք Տիրանայում, պատասխան խաղով,  կմրցեն  Ալբանիայի ընտրանու հետ: