Ծանրամարտի միջազգային ֆեդերացիան / IWF /  նպատակ ունի փոփոխություն կատարել մրցումների ծրագրում:  Դա բացատրվում է նրանով, որ աշխարհում մեծացել է հետաքրքրությունը մարզաձևի նկատմամբ և ավելացել է պարապողների թիվը: Այդկերպ հնարավոր է   կրճատել մրցումների օրերի քանակն ու ժամանակը:

Նոր տարբերակն արդեն փորձարկվել է 2024թ.  Լիմայում մայիսի 22-26-ը անցկացված աշխարհի երիտասարդական առաջնությունում: Մրցաշարը անցկացվել է  զուգահեռաբար  երկու ծանրահարթակների վրա՝ տղամարդկանց և կանանց համար:

Նման  ձևաչափը թույլ  է տվել  ավելի արագ անցկացնել միջոցառումը, որին մասնակցում էին 277 մարզիկներ (137 տղամարդ, 140 կին):

Հնգօրյա մրցումների  ընթացքին հետևող երկրպագուները  վայելել  են ավելի «կոմպակտ» գործողությունների հմայքը:

Հարկ է նշել, որ մասնակիցները, մասնագետները, պաշտոնյաներն ու կազմակերպիչները բարձր են գնահատել այդ նորարարությունը:

Նոր համակարգը կրկին կկիրառվի Պերուի մայրաքաղաքում՝ առաջիկա  ապրիլի 30-ից մայիսի 5-ը կայանալիք պատանիների և երիտասարդների աշխարհի առաջնությունների  համատեղ կազմակերպման ժամանակ: