Երևանի  «Նոա» ֆուտբոլի ակումբը մեր երկրից առաջինն է,  որը կարողացավ նվաճել  եվրոպական գավաթների փլեյ-օֆֆ –ի մասնակցության ուղեգիր։

ՈՒԵՖԱ-ի Կոնֆերենցիաների լիգայի 6-րդ տուրում,  երեկ երևանյան թիմը,  արտագնա խաղում 0:2 հաշվով զիջեց Կիևի «Դինամո»-ին։ Չնայած պարտությանը, մեր ֆուտբոլիստները մրցաշարային աղյուսակում վեց միավորով  հանգրվանեցին 19-րդ տեղում և գարնանը կմասնակցեն անցումային փուլին։

1/16 եզրափակիչում «Նոա»-ի մրցակիցը կլինի  Նիդերլանդների  «ԱԶ» կամ Սլովենիայի «Ցելե» թիմերից մեկը:

Առաջին ությակում տեղ գրավածները հանդես կգան  1/8, իսկ 9–24-րդ տեղերինը՝ 1/16 եզրափակիչում։

Փլեյ-օֆֆի վիճակահանությունը նշանակված է առաջիկա  հունվարի 16-ին։ Առաջին հանդիպումները նախատեսված են փետրվարի 19-ին, պատասխան խաղերը՝ փետրվարի 26-ին։

«Շնորհավորում եմ իմ խաղացողներին՝ պատմական նվաճման համար: Հայաստանի ֆուտբոլի պատմության մեջ առաջին անգամ թիմը կխաղա այս փուլում: Սա հաջողություն եմ համարում ու հպարտ եմ  դրանով: Ութ միավոր ենք վաստակել. երկուական հաղթանակ, պարտություն, ոչ-ոքի ենք  գրանցել և  արժանի էինք անցնել փլեյ-օֆֆ փուլ»,- ասել է «Նոայի» գլխավոր մարզիչ Սանդրո Պերկովիչը: