Բուլղարիայի Սամոկով քաղաքում շարունակվում է  հունահռոմեական ըմբշամարտի մինչև 20 տարեկանների աշխարհի առաջնությունը:

Գերազանց մրցելույթներ է ունենում  17 –ամյա Յուրիկ Մխիթարյանը (60 կգ): Բռնցքամարտի լեզվով ասած, մեր պատվիրակը նախնական չորս փուլերում  << նոկաուտով >> հաղթել է մրցակիցներին ու մտել  եզրափակիչ:

Սպասվում է, որ չափազանց լարված ու դիտարժան պայքար կմղվի ոսկե մեդալին տիրելու համար: Բանն այն է, որ նրա մրցակիցն է ադրբեջանցի Այխան Ջավադովը:

Մեր թիմի մեկ այլ մարզիկ ՝ Մարտիկ Պետրոսյանը ( 82 կգ ) կպայքարի <<բրոնզի>> համար:

Այսօր ՝ օգոստոսի 22-ին,  մրցագորգ կելնեն 55 կգ, 67 կգ, 72 կգ և 97 կգ քաշային կարգերի ներկայացուցիչները: