<< Միլանո Կորտինա – 2026>>  ձմեռային օլիմպիական խաղերի  ջահերը  իրենց նորարարական դիզայնի համար արժանացել  են «Compasso d'Oro» միջազգային մրցանակի:

Պատվավոր մրցանակը, որը իտալերենից թարգմանաբար նշանակում է «ոսկե կողմնացույց», հիմնադրել է Ջիո Պոնտին՝1954թ. և համարվում է  ամենահին արդյունաբերական դիզայնի ճանաչող կազմակերպությունը:

Նշենք, որ ջահերի  շնորհանդեսը տեղի  է ունեցել Expo - 2025 ցուցահանդեսի ժամանակ, որին մասնակցել են մարզաշխարհի  բազմաթիվ լեգենդներ: Դրանք կցուցադրվեն Օսակայի Expo 2025 -ի  Իտալիայի տաղավարում՝  մինչև հոկտեմբերի 13-ը, ապա նաև Միլանի Տրիենալեում մինչև 2026թ. օլիմպիական և պարալիմպիկ ձմեռային խաղերի ավարտը։  Այնուհետև դրանք կմիանան Լոզանի օլիմպիական թանգարանի  ջահերի հեղինակավոր  հավաքածուին։

Հավաքածուն,  որը կոչվում է  «Essential», ունի նույն կառուցվածքային դիզայնը: Նրանցից  յուրաքանչյուրը կշռում է 1060 գրամ (առանց վառելիքի), պատրաստված են ալյումինի և արույրի վերամշակված համաձուլվածքից, աշխատում են Bio-LPG-ով, որը կայուն գազ է, ստացվում է թափոններից ու  կարող է վերստին օգտագործվել մինչև տասը անգամ:

Կանթեղների միջև տարբերությունը նվազագույն է.  օլիմպիականը կապույտ-կանաչ երանգներ ունի և  ոգեշնչված է Իտալիայի փոփոխվող երկնքով, մինչդեռ պարալիմպիկի տարբերակը փայլում է բրոնզի արտացոլմամբ ու ներկայացնում է մարզիկների ներքին ուժը: Երկուսն էլ ունեն ծիածանագույն ծածկույթ: Դա ներկայացնում է  լույսն ու շրջակա միջավայրը՝ ամրացնելով կապը սպորտի, բնության և ապագայի միջև:

Փոխանցավազքը կսկսվի Հունաստանի Օլիմպիայից, ապա կանցնի Իտալիայի բոլոր նահանգներով, իսկ գագաթնակետը կլինի Միլանում՝ 2026թ.  փետրվարի 6-ին, խաղերի բացման արարողության ժամանակ:

Ձմեռային  25 – րդ օլիմպիական մարզահանդեսի  մեկնարկին  մնացել է 150 օր: