Զագրեբում ընթացող ըմբշամարտի աշխարհի առաջնությանը  զուգահեռ անցկացված  մարզաձևի  միջազգային ֆեդերացիայի / UWW /  համաժողովում  ընդունվել են մի շարք կարևոր որոշումներ։

Հայտնի   են դարձել  տարբեր տարիքային խմբերի առաջնությունների մրցավայրերը և ժամկետները:

2026թ.  աշխարհի առաջնությունը կայանալու է Մանամայում (Բահրեյն)՝ սեպտեմբերի 5–13 –ը  , իսկ Եվրոպայինը նշանակված է  մարտի 20–26 –ը՝  Տիրանայում (Ալբանիա)։

Մինչև   17 տարեկանների աշխարհի առաջնությունը կկայանա   — հունիսի 27 – ից  հուլիսի 2 –ը ՝  Բաքվում  (Ադրբեջան), մինչև 20 տարեկաններինը՝  օգոստոսի 17–23 -ը, Մանամայում (Բահրեյն), մինչև 23  տարեկաններինը՝  հոկտեմբերի 12–18 –ը , Լաս Վեգասում  (ԱՄՆ):

Հայտնի են նաև 2026թ. Եվրոպայի առաջնությունների մրցավարերը.  մինչև 23  տարեկաններ՝ փետրվարի 9–15 -ը, Զրենյանին (Սերբիա), մինչև 17  տարեկաններ ՝ մայիսի 11–17 -ը, Սամոկով (Բուլղարիա), մինչև  15 տարեկաններ՝  մայիսի 20–24 -ը, Սամոկով (Բուլղարիա), մինչև 20 տարեկաններ՝  հուլիսի 6–12 -ը, Սկոպյե (Հյուսիսային Մակեդոնիա):

Նշենք, որ  պատմության մեջ առաջին անգամ է  աշխարհի առաջնությունը անցկացվելու  Բահրեյնում։ Ոչ մի արաբական երկիր մինչ այժմ  չի հյուրընկալել նման բարձրակարգ մրցաշար: Բահրեյնի համար դա մեծ իրադարձություն է համարվում:  

Ըմբշամարտի միջազգային ֆեդերացիայի նախագահ Նենադ Լալովիչը նշել է , որ  ցանկանում է հաճախ փոփոխվեն աշխարհի առաջնություն  հյուրընկալող մայրցամաքները։ Նման որոշումը հնարավորություն կտա   տեղացի մարզիկներին մրցել և նվաճումների հասնել, իսկ դրա օրինակը կա և այդ հանգամանքն  է  հաշվի  առնվել:

Բահրեյնը իր առաջին ոսկե մեդալը նվաճել է  Փարիզի Օլիմպիական խաղերում: Նա ազատ ոճային,  97 կգ քաշային  Ահմեդ Թահզուդինովն է:  

Օլիմպիական  ոսկե մեդալը  ոգեշնչել  է երկրի պատանիներին, որոնց քանակն ավելացել է  մարզաձևում: