Ինդոնեզիայի մայրաքաղաք Ջակարտայում շարունակվում է սպորտային մարմնամարզության աշխարհի առաջնությունը:

Հայաստանի պատվիրակ,  Եվրոպայի փոխչեմպիոն, 19 –ամյա  Մամիկոն Խաչատրյանը նժույգթափերի եզրափակիչում վաստակեց 14.600 միավոր և նվաճեց արծաթե մեդալ:

Նույն մրցաձևում մեր երկրորդ պատվիրակ,  Եվրոպայի չեմպիոն, երիտասարդների աշխարհի կրկնակի չեմպիոն Համլետ Մանուկյանը  / 14.433  միավոր / ճանաչվեց չորրորդը:

Նշենք, որ Համլետ Մանուկյանն ու Մամիկոն Խաչատրյանն առաջին անգամ էին հանդես գալիս աշխարհի առաջնությունում:

Վաղը հենացատկի եզրափակիչում, մեդալի համար կպայքարի  ՀՀ հավաքականի առաջատար Արթուր Դավթյանը:

Շնորհավորում ենք աշխարհի նորընծա փոխչեմպիոն,  երևանցի Մամիկոն Խաչատրյանին, մարզիչներին, ՀՀ ֆեդերացիային և հաջողություններ ակնկալում հետագա մրցումներում: