Տիրանայում  անցկացվող հունահռոմեական ըմբշամարտի Եվրոպայի առաջնությունում վստահ հաղթանակներով կրկին ուրախացնում է  մեր Մալխաս Ամոյանը / 77 կգ /: Նա  տպավորիչ  հաշիվներով հաղթեց հաջորդաբար  ուկրաինացի Իրֆան Միրզոևին / 10 : 0 /,  շվեդ  Կարլ Բաֆին / 4 : 0 /, մոլդովացի Ալեքսանդր Գուտուին /  3:1 / ու մտավ  եզրափակիչ:

Նախորդ առաջնության նման, այս անգամ նույնպես, ոսկե մեդալի համար երևանցին վճռական  գոտեմարտում   կմրցի վրացի  Ռամազ Զոիձեի հետ: Հոգեբանական առավելություն ունի Մալխասը, քանզի նա անցյալ տարի նույն մրցակցին հաղթել էր ՝ 3 : 1:

Հայաստանի ըմբիշներից երրորդ տեղի համար այսօր  կպայքարեն Մանվել Խաչատրյանը / 55 կգ /, Կարեն Ասլանյանը / 63կգ /, Գևորգ Թադևոսյանը / 83 կգ / և Ալբերտ Վարդանյանը / 130 կգ /:

Մեր թիմից այսօր ասպարեզ կելնեն Սուրեն Աղաջանյանը /60 կգ/, Սլավիկ Գալստյանը  /67 կգ/, Գասպար Տերտերյանը  /72 կգ/, Սամվել Գրիգորյանը /82 կգ/ և  Հայկ Խլոյանը /97 կգ/: