Տեղի ունեցավ   Հայաստանի ֆուտզալի գավաթի խաղարկության  եզրափակիչ հանդիպումը ՝ «Յունիսպորտ»  - «Պրո Դև» ակումբների միջև:

Վճռական խաղում  գլխավոր մարզիչ Ալեքսանդր Դիբրիվնինի գլխավորած «Յունիսպորտը» ջախջախիչ ՝ 10:1 հաշվով  հաղթեց   մրցակցին և  նվաճեց գավաթը։

Գավաթակիր թիմի  կազմում դուբլի հեղինակ դարձան   Էդվարդ Մկրտչյանը, Պուտրուս Վասիլևը, մեկական գոլ խփեցին Միհրան Դերմենջյանը, Էդգար Մկրտչյանը, Սարգիս Մարգարյանը, Նարեկ Գալստյանը, Մամիկոն Դերմենջյանը և Ռաֆիկ Մելիքյանը։

«Յունիսպորտին»  այս համոզիչ հաղթանակից  հետո սպասվում է ևս մեկ կարևոր մրցամարտ.  ՀՀ  2025 – 26թթ.  առաջնության փլեյ-օֆֆի եզրափակիչը: Մրցակիցը նախորդ մրցաշրջանի չեմպիոն «Երևանն» է։

Նշենք, որ անցյալ տարի եզրափակիչում դարձյալ հանդիպել են այդ ակումբները: