ԱԱ. Հայաստանի հավաքականը չկարողացավ հաղթել Ղազախստանին
22:32 - 08 Հոկ, 2017
Ֆուտբոլի 2018թ. աշխարհի առաջնության E խմբի վերջին տուրում Հայաստանի հավաքականը հյուրընկալվելիս ոչ-ոքի խաղաց Ղազախստանի ընտրանու հետ՝ 1։1։
26-րդ րոպեին Մարկոսի հիանալի փոխանցումից հետո Հայաստանի հավաքականին առաջ մղեց թիմի ավագ Հենրիխ Մխիթարյանը։ Ընդմիջումից հետո տանտերերին հաջողվեց հավասարեցնել խաղի հաշիվը։ 62-րդ րոպեին Ղազախստանի ընտրանու կազմում գոլի հեղինակ դարձավ Բաուրժան Տուրիսբեկը։
Ընտրական փուլի վերջին խաղից հետո մեր թիմը E խմբում 7 միավորով զբաղեցնում է 5-րդ հորիզոնականը։ Հայաստանի հավաքականը դուրս մնաց աշխարհի առաջնության հետագա պայքարից։
Այլ նորություններ
