Բասկետբոլի Հայաստանի կանանց մինչեւ 18 տարեկանների հավաքականը 2016 թվականի ամռանը հանդես կգա Եվրոպայի C դիվիզիոնի առաջնությունում: Առաջնության մասնակիցների ցանկը և անցկացման վայրը հայտնի կդառնա 2016 թվականի հունվարի 22-ին: Հայաստանի կանանց մինչեւ 16 տարեկանների հավաքականը 2015 թվականի հուլիսին մասնակցեց Անդորրայում կայացած Եվրոպայի C դիվիզիոնի առաջնությանը և արժանացել էր արծաթե մեդալի: Վահագն Հարությունյանի գլխավորած թիմն անցկացրած 4 հանդիպումներից 3-ում հաղթել էր մրցակիցներին: