Մինսկ-2019. Ֆերդինանդ Կարապետյանը պարտվեց 1/4 եզրափակիչում

14:46 - 23 Հուն, 2019

Բելառուսի մայրաքաղաք Մինսկում շարունակվում է Եվրոպական խաղերի մրցումային երրորդ օրը։

Հունիսի 23-ին պայքարի մեջ են մտել ձյուդոիստները։

Այս մարզաձևում Հայաստանի միակ ներկայացուցիչ Ֆերդինանդ Կարապետյանը (73 կգ) պայքարը սկսեց 1/16 եզրափակչից, որտեղ հաղթեց պորտուգալացի Ժորժե Ֆերնանդեսին:

1/8 եզրափակչում Ֆերդինանդն ուժեղ գտնվեց Ռուսաստանի ներկայացուցիչ Մուսա Մոգուշկովից։

Քառորդ եզրափակչում հայ ձյուդոիստը մրցեց Ադրբեջանը ներկայացնող Ռուստամ Օրուջևի հետ և պարտվեց։

Կարապետյանը կմասնակցի սփոփիչ գոտեմարտի, որտեղ նրա մրցակիցը կլինի Ադրբեջանի ներկայացուցիչ Խիդայադ Հեյդարովը:

Հաղթանակի դեպքում Կարապետյանը կստանա բրոնզե մեդալի համար պայքարելու հնարավորություն։

Այլ նորություններ