Միջազգային օլիմպիական կոմիտեն առցանց խորհրդակցություն է անցկացրել  Տոկիոյի օլիմպիական խաղերի ԱՕԿ - ների գլխավոր հանձնակատարների հետ։

Գլխավոր  թեման   նախապատրաստական աշխատանքներն է  եղել։ Նշվել է, որ ՄՕԿ-ը մշտական երկխոսության մեջ է  կազմկոմիտեի և Ճապոնիայի կառավարության հետ: Հիմնական խնդիրը   մասնակիցների անվտանգությունն է  և նրանց համար  հավասար  պայմանների ապահովումը։

ՄՕԿ-ի աշխատանքային խումբը պատրաստել է գործողությունների ծրագիր, որը  պետք է  իրականացնել  COVID-19- ի իրավիճակին համապատասխան: Նախատեսվում է վերանայել ծախսերը չորս ոլորտներում. պաշտոնյաների ընդունելություն, ենթակառուցվածքներ, տրանսպորտ և խնդիրներ, որոնք առաջնային  լուծում չեն պահանջում:

ՄՕԿ-ի համակարգող հանձնաժողովը  միջոցառումներ է առաջարկում համավարկի տարածումը կանխելու համար: Մշակվել է գործիքակազմ ՝ շարժման սահմանափակում, սոցիալական հեռավորության պահպանում, պաշտպանիչ միջոցների օգտագործում,  վերահսկողություն պարենի նկատմամբ, վարակի  դեպքերի բացահայտում, նոր դեպքերի ծանուցում և պատվաստում: 

Անդրադաձ է եղել նաև վարկանիշային մրցումների անցկացմանը։ Ասվել է, որ այդ հարցերը քննարկվում են միջազգային ֆեդերացիաների հետ։

ՀԱՕԿ –ի պատվիրակության ղեկավար Գագիկ Բոլշիկյանն ասաց, որ կազմակերպիչները նպատակ  ունեն խմբավորել  որոշ մարզաձևերի ներկայացուցիչներին և նրանց հատկացնել առանձին բնակավայրեր։