Ալբանիայում  և Կոսովոյում մեկնարկեցին  Եվրոպայի մինչև 18 տարեկան տղաների և աղջիկների բասկետբոլի առաջնությունները:  

Մեր հավաքականներն ընդգրկված են  C դիվիզիոնի B ենթախմբում:

Հայաստանի տղաների հավաքականը կատարեց գերազանց մեկնարկ: Մեր պատվիրակները գործեցին վստահ, անկաշկանդ և  88:72 հաշվով արժանի հաղթանակ տարան  Մոլդովայի ընտրանու նկատմամբ:  

Հանդիպման արդյունավետ խաղացող ճանաչվեց  Վիլյամ Ղարաբեկյանը ՝  20 միավորով:

Հայաստանի հավաքականը երկրորդ հանդիպումը կանցկացնի հուլիսի 25-ին` ադրբեջանցիների հետ:

Կոսովոյում է անցկացվում  աղջիկների մրցաշարը: Մեր մարզուհիները առաջին խաղը տանուլ տվեցին /  68:77 /  Վրաստանի հավաքականին:

Հայաստանից դիպուկությամբ աչքի  ընկավ Լիա Կրումյանը, որը վաստակեց  24 միավոր:

Մեր բասկետբոլիստուհիները  երկրորդ հանդիպումը կանցկացնեն տանտիրուհիների հետ՝  հուլիսի 24-ին: