Մոսկվայի «Դինամո» մարզական ակադեմիայում  մեկնարկել է սպորտային մարմնամարզության « Ուժեղագույնների գավաթ»  անվանումով  միջազգային մրցաշարը: Ստուգատեսին մասնակցում են 12 երկրների  պատվիրակներ:

Մարզաձևի ՌԴ  ֆեդերացիայի առաջին փոխնախագահ Վասիլի Տիտովն ասել է, որ  մրցաշարը  կարևոր ուղի է  մարզաձևի առաջընթացի համար: Անհրաժեշտ է պահպանել և զարգացնել  միջազգային կապերը,  մրցավայրեր դարձնել նոր երկրներ ու բացահայտել  տաղանդներ:

Մոսկովյան ստուգատեսի մասնակիցներից են  Հայաստանի պատվիրակներ Համլետ Մանուկյանը և Մամիկոն Խաչատրյանը: Նժույգթափերի որակավորման փուլում 18-ամյա Մամիկոն Խաչատրյանը  վաստակել է  14.800 միավոր և  առաջին արդյունքով մտել եզրափակիչ: 17-ամյա Համլետ Մանուկյանը՝ 14.733 միավորով երկրորդն է, իսկ եռյակը եզրափակում է  ղազախստանցի   Զայնուլլա Իբրիսովը (14.233):

Եզրափակիչը նշանակված է  վաղը՝ հուլիսի 5-ին: