Պատանեկան տարիքի երկու խմբի 128 մարզիկներ մասնակցեցին Վրաստանի Քութաիս քաղաքում անցկացված սուսերամարտի  միջազգային մրցաշարին: Հայաստանից հայտավորված էին 16 սուսերակիրներ:

Առավելապես գոհացրեց 14 -ամյա  Գոռ Խաչատուրյանը: <<Հայաստան>>   մարզական միության Նորագավիթի ՄԴ  սանը, կրտսեր խոցասուսերակիրների մրցավեճում ճանաչվեց  երկրորդը, իսկ ավագների մրցումներում գրավեց  երրորդ տեղը՝ երկրորդը ճանաչված իր մարզընկեր Ալեքսանդր Հակոբյանից հետո:

Ճկասուսերակիրների մրցությունում մայրաքաղաքի Արաբկիրի ՄԴ  սան  Սամվել Մարկոսյանը կանգնեց պատվո պատվանդանի   երրորդ աստիճանին:

Դեկտեմբերի 26 –ին միջազգային հերթական մրցաշարի մասնակիցներին կհյուրընկալի Վրաստանի մայրաքաղաք Թբիլիսին: Խոցասուսեր մրցաձևի մեր  հավաքականի ավագ մարզիչ Արմեն Նավասարդյանը նշեց, որ մարտուղյակներում մրցակիցների հետ սուսերները կրկին կխաչաձևեն հայաստանցի պատանիները: