Ձյուդոյի միջազգային ֆեդերացիան  նոր օլիմպիական փուլում  կանոնների պարզեցում է կատարել:  Դրանք գործողության մեջ կլինեն մինչև 2028 - ի ավարտը:

Մրցավարական հանձնաժողովը, որի տնօրենն է Ատլանտայի  օլիմպիական խաղերի փոխչեմպիոն, տաշքենդցի Արմեն Բաղդասարովը,  հրապարակել է  մանրամասն վերլուծություն՝  դրանց կիրառումն ապահովելու համար: Մինչդեռ միավորների մակարդակները, ներառյալ վերջերս վերականգնված յուկոն, մնում են էապես նույնը, ինչը նախորդ մրցաշրջանում էր:

Միավորների հաշվարկման համակարգից բացի, IJF-ն հոգացել է մարզիկների անվտանգությունն ապահովելու մասին:

Հանձնաժողովը վերահաստատել է, որ ողնաշարի պարանոցային հատվածին սպառնացող ցանկացած տեխնիկական տարր կհանգեցնի անհապաղ որակազրկման:

Այս ճշգրտումները նպատակ ունեն  խրախուսել  ձյուդոիստների գործողությունների ակտիվությունը  և գոտեմարտերի դիտարժանությունը: 

Պարզաբանումների ժամկետը անննպատակ չէ. քանզի  2026 թվականը հանդիսանում է  օլիմպիական խաղերի որակավորման գործընթացի սկիզբը՝ սկսած Ուլան Բատորում կայանալիք Գրան պրիից:

Մարզաձևի միջազգային ֆեդերացիան կանոնակարգում այլ փոփոխություն չի կատարի՝  մինչև 2028թ. օլիմպիական խաղերի ավարտը: