Եվրոպայի պատանեկան ամառային օլիմպիական 18 – րդ փառատոնը / EYOF /  կանցկացվի  առաջիկա հուլիսի 20- 26-ը՝ Սկոպյեում:

Պաշտոնական թալիսման է ընտրվել  «Shiny»-ին, որն աչքի է ընկնում սիմվոլիզմով, ջերմությամբ և Հյուսիսային Մակեդոնիայի  արժեքների հետ կապով: Այն խորհրդանշում է   երկրի դրոշի վրա պատկերված  արևը: Վառ և ողջունելի կերպար է և լիովին համապատասխանում է EYOF-ի հիմնական արժեքներին.  բարեկամություն, հարգանք, լավատեսություն և ուրախության փարոս՝  խաղերի ընթացքում:

Shiny- ին կդառնա փառատոնի բոլոր  միջոցառումների անբաժանելի մասը՝ գովազդային գործունեությունից մինչև բացման և փակման արարողությունները:

Նրա ներկայությունը կտարածվի նաև թվային հարթակներում և  երկրպագուները կարող են շփվել, մասնակցել զվարճալի մարտահրավերներին ու հետևել թալիսմանի արկածներին:

Ստուգատեսի մրցումային ծրագրում ընդգրկված են հետևյալ մարզաձևերը. աթլետիկա, բադմինթոն, բասկետբոլ, բասկետբոլ 3x3,  կանոե սլալոմ, խճուղային հեծանվազք, լեռնային հեծանվասպորտ, հանդբոլ, ձյուդո, լող, հրաձգություն, սեղանի թենիս, թաեքվոնդո, վոլեյբոլ և սպորտային մարմնամարզություն: