Կորեացիները  ցանկանում են կես դար հետո Սեուլ վերադարձնել օլիմպիական խաղերը: Այդ երկիրը հայտ է ուզում ներկայացնել ՄՕԿ ՝ 2036թ. օլիմպիական մարզահանդեսը  Չոլլո Պուկտո  վարչատարածքում    անցկացնելու համար:

Մի շարք մարզաձևերի մրցումները նախատեսվում է անցկացնել Սեուլում: Դրանց թվում են  աթլետիկան,  հանդբոլը,  թենիսը, գեղարվեստական , սպորտային մարմնամարզությունը, վոլեյբոլը,  հեծանվասպորտը,  ինչպես նաև ֆուտբոլի և բասկետբոլի որոշ նախնական հանդիպումներ: Նպատակ կա օգտագործել 1988թ.  խաղերը հյուրընկալած մարզահամալիրները:

Հայտը դեռևս  պետք է հաստատի երկրի կառավարությունը:

Արդեն իրենց թեկնածությունը ներկայացրել են Թուրքիան (Ստամբուլ), Չիլին (Սանտյագո), Հնդկաստանը (Ահմեդաբադ) և Քաթարը (Դոհա):

Հետաքրքրություն են հայտնել նաև այնպիսի երկրներ, ինչպիսիք են Գերմանիան, Եգիպտոսը, Սաուդյան Արաբիան, Հարավային Աֆրիկան, Չինաստանը, Հունգարիան, Իտալիան, Դանիան և Կանադան։